Hofskirkja í Öræfum

Ósk
Séð

South Iceland

See on map

643 Views


Sorry, english text is not ready...

Elsta heimild um kirkju í Hofi er í máldaga frá 1343 og var hún þá bændakirkja, helguð heilögum Klemens. Síðar var kirkjan útkirkja frá Sandfelli. Kirkjan, sem nú stendur, var reist á árunum 1883-85 af Páli Pálssyni forsmið og snikkara frá Hörgsdal með timburgrind úr bindingsverki, en steinhlöðnum langveggjum og helluþaki, þöktu torfi.

Stafnar eru úr timbri með tveimur sexrúðu gluggum hvor, auk þess sem tveggjarúðu gluggi er á bjórþili vesturstafns. Kirkjan er sjö stafgólf, 9,8 m á lengd og 4,5 m á breidd. Um miðja tuttugustu öld var húsið orðið mjög hrörlegt og beitti þjóðminjavörður sér þá fyrir því að reisa hana aftur í upphaflegri mynd. Náðust samningar milli Þjóðminjasafnsins og sóknarnefndar um að safnið fengi kirkjuna til eignar gegn því að það kostaði viðgerð hennar en hún yrði jafnfframt sóknarkirkja Öræfinga. Hún var síðan tekin niður og endurbyggð á árunum 1953-54. Nokkrar viðgerðir hafa verið gerðar á henni síðan.

Hofskirkja er sérkennileg blanda af gömlu og nýju. Þannig er gafhlað við austurstafn fornlegt en hvelfing yfir kórnum er í stíl við timburkirkjur frá svipuðum tíma. Að innanverðu er kirkjan nýstárlegri en bæði Víðimýrar- og Saurbæjarkirkjur þar sem hvorki er hér að finna hefðarsæti né hefðbundið kórþil.

Kirkjugarðurinn umhverfis kirkjuna er með upphlöðnum leiðum samkvæmt gamalli hefð, og er kirkjan og allt umhverfi hennar hið fegursta.

Heimild: Sjá hér
Mynd: Andrew Dunn

Sun
10/24/2021
8°C / 46°F
NA 9
Mon
10/25/2021
7°C / 45°F
VSV 5
Tue
10/26/2021
6°C / 43°F
ANA 18
Wed
10/27/2021
6°C / 43°F
NV 5
Thu
10/28/2021
7°C / 45°F
SA 11
Fri
10/29/2021
5°C / 41°F
NA 10
Sat
10/30/2021
6°C / 43°F
NA 11
Data from vedur.is, weather station name is : Ingólfshöfði


Staðir nálægt mér

© Anton Stefánsson | antonstefans@gmail.com

Vefsíðan notast við kökur